ඉන්දීය රජය විසින් මෙරට විපක්ෂ නායක සජිත් ප්රේමදාස මහතාට නිල සංචාරයක් සඳහා නවදිල්ලි නුවරට නිල වශයෙන් ආරාධනා කර ඇත.
දින තුනක ඉන්දීය නිල සංචාරය සඳහා විපක්ෂ නායක සජිත් ප්රේමදාස මහතා අද (03) දින ශ්රී ලංකාවෙන් පිටත්ව ගිය අතර, එම සංචාරයේදී ඔහු ඉන්දීය රජයේ අමාත්යවරුන් සහ ඉහළ නිලධාරීන් කිහිප දෙනෙකු හමුවීමට නියමිතව ඇත.
මෙම සංචාරය ඉන්දියාව සහ ශ්රී ලංකාව අතර අඛණ්ඩ සහයෝගීතාවය සහ ශක්තිමත් සබඳතා අනුගමනය කරන අතර, ඉන්දීය අග්රාමාත්ය නරේන්ද්ර මෝදි මහතා ද්විපාර්ශ්වික සබඳතා ශක්තිමත් කිරීම සඳහා සජිත් මහතාගේ කැපවීම පිළිබඳව මින් පෙර අවස්ථා කිහිපයකදීම ප්රශංසා කළේය.
පසුගිය අප්රේල් මාසයේ ඉන්දීය අග්රාමාත්ය නරේන්ද්ර මෝදි මෙරට සංචාරයක නිරත වූ අතර එම අවස්ථාවේ විපක්ෂ නායක සජිත් ප්රේමදාස සමඟ පැවති හමුව අතරතුර විපක්ෂ නායක විසින් ඉන්දීය අගමැතිට සිහිවටනයක් තිළිණ කළේය.
එය එක් ඇසක පෙනීම අහිමි වූ කොටියෙකුගේ රුවක් සහිත ඡායාරූපයක් වූ අතර එහි ඇති සැඟවුණු කතාව පිළිබඳව සජිත් ප්රේමදාස සිය සමාජ මාධ්ය ජාලාවන්හි සටහනක් යොදා තිබුණි.