ගරු ජනාධිපති අනුර කුමාර දිසානායක මහතා විසින් අමාත්යංශ කිහිපයක විෂය පථයන්, කාර්යයන්, දෙපාර්තමේන්තු, ව්යවස්ථාපිත ආයතන සහ රාජ්ය සංස්ථා සංශෝධනය කිරීමට පියවර ගෙන ඇත.
ඊට අදාළ ගැසට් නිවේදනය ජනාධිපතිවරයා විසින් නිකුත් කර ඇති අතර කැබිනට් මණ්ඩලයේ පසුගියදා සිදුවූ සංශෝධනයත් සමඟ මෙම විෂය පථයන් සංශෝධනය කර ඇති බව සඳහන් වේ.
ඒ අනුව ආරක්ෂක අමාත්යංශය යටතේ පැවති සිවිල් ආරක්ෂක දෙපාර්තමේන්තුව සහ අධිකරණ හා ජාතික ඒකාබද්ධතා අමාත්යංශය යටතේ පැවති පුනරුත්ථාපන කාර්යංශය මහජන ආරක්ෂක හා පාර්ලිමේන්තු කටයුතු අමාත්යංශයටත්, සෞඛ්ය අමාත්යංශය යටතේ පැවති සීමාසහිත ශ්රී ලංකා ත්රිපෝෂ සංස්ථාව, වෙළෙඳ වාණිජ ආහාර සුරක්ෂිතතා සහ සමූපකාර සංවර්ධන අමාත්යංශයටත්, බුද්ධ ශාසන ආගමික සහ සංස්කෘතික කටයුතු අමාත්යංශය යටතේ පැවති සීමාසහිත සැලසිනේ මීඩියා සොලියුෂන්ස් පුද්ගලික ආයතනය සෞඛ්ය සහ ජනමාධ්ය අමාත්යංශය යටතටත් පත්කර ඇත.
මීට අමතරව පරිසර අමාත්යංශය යටතේ පැවති භූ විද්යා, සමීක්ෂණ හා පතල් කාර්යංශය කර්මාන්ත ව්යවසායකත්ව සංවර්ධන අමාත්යංශය යටතට පවරා ඇති අතර කෘෂි කර්ම, පශු සම්පත්, ඉඩම් සහ වාරිමාර්ග අමාත්යංශය යටතේ පැවති කුරුඳු සංවර්ධන දෙපාර්තමේන්තුව වැවිලි සහ ප්රජා යටිතල පහසුකම් අමාත්යංශය යටතට පත්කර ඇත.
බලශක්ති අමාත්යංශය යටතේ පවතින ලංකා විදුලිබල සමාගම, සීමාසහිත ලංකා විදුලි පෞද්ගලික සමාගම ලෙස සංශෝධනය කිරීමට කටයුතු කර ඇති අතර විදුලි බලමණ්ඩලය ප්රතිව්යුහගතකරණය කිරීමේ වැඩපිළිවෙළ යටතේ හඳුන්වාදුන් නව ආයතන 4ක් මෙම නව ගැසට් පත්රය මඟින් ප්රකාශයට පත්කර ඇත.
ඉකුත් 2025.10.10 දින ජනාධිපතිවරයා විසින් කැබිනට් මණ්ඩල සංශෝධනයක් ද සිදුකරනු ලැබුවා.