ඉන්ධන අර්බුදයත් සමඟ ඉන්ධන සඟවාගෙන සිටින පුද්ගලයන් සොයා පොලීසිය සිදු කරන වැටලීම් ඔස්සේ ඉකුත් සිකුරාදා (27) වන විට ඩීසල් ලීටර් 44,473ක් සහ පෙට්රල් ලීටර් 2,014ක ප්රමාණයක් අත්අඩංගුවට ගත් අතර, හිඟුරක්ගොඩ ප්රදේශයේ පුද්ගලයකු සඟවා ගෙන සිටි භූමිතෙල් ලීටර් 1,995ක්ද අත්අඩංගුවට ගැනීමට හැකි වූ බව පොලිස් මාධ්ය ප්රකාශක කොට්ඨාස දත්තවලින් හෙළි වේ. එලෙස බවුසර් දෙකක සඟවාගෙන තිබූ ඩීසල් ඉන්ධන ලීටර් 19,060ක ප්රමාණයක් බියගම ප්රදේශයේදී අත්අඩංගුවටගෙන ඇත්තේ පුද්ගලයන් සිව්දෙනෙකුද සමඟිනි.
තවද, මොරගහහේන ප්රදේශයෙන්ද බවුසරයක් තුළ සඟවා තිබූ ඩීසල් ලීටර් 6,752ක් සහ පෙට්රල් ලීටර් 120ක්ද සොයා ගැනීමට ඉකුත් 24 දා වලාන දූෂණ මර්දන ඒකකයට හැකි වූ අතර, මීගමුවෙන් ඩීසල් ලීටර් 3,532ක් සහ රාමනාදන්පුරම්හි සිදු කළ වැටලීමකින් පෙට්රල් ලීටර් 1,220ක්ද අත්අඩංගුවට ගෙන ඇත.