රජයේ වෛද්ය නිලධාරීන්ගේ සංගමය ක්රියාත්මක කළ වැඩවර්ජනය අද (06) පෙරවරු 08.00 සිට තාවකාලිකව අත්හිටුවීමට තීරණය කර තිබේ.
එම සංගමයේ ලේකම් වෛද්ය ප්රභාත් සුගතදාස මහතා සඳහන් කළේ ලබන බ්රහස්පතින්දා අමාත්යවරයා සමඟ සිය ගැටළු සාකච්ඡා කිරීමට අවස්ථාව ලබා දීම පදනම් කරගනිමින් සිය වර්ජනය තාවකාලිකව අත්හිටුවීමට තීරණය කළ බවය.
ඒ අනුව අද (06) විදෙස්ගත වන සෞඛ්ය අමාත්ය නලින්ද ජයතිස්ස මහතා යළි දිවයිනට පැමිණීමෙන් පසු ලබන බ්රහස්පතින්දා අදාළ සාකච්ඡාව පැවැත්වීමට නියමිත බව ද සඳහන්.
දේශපාලන මැදිහත්වීම් මත වෛද්යවරුන්ගේ ස්ථානමාරුවීම් සිදු කිරීම නැවැත්වීම ඇතුළු ඉල්ලීම් කිහිපයක් මුල් කරගනිමින් රජයේ වෛද්ය නිලධාරීන්ගේ සංගමය මෙම වැඩවර්ජනය ආරම්භ කර තිබුණි.
ඇමති, වර්ජනය පයිසෙකට මායිම් නොකරයි.
සාධාරණ වර්ජනයකට විසඳුම් ලබාදීමට රජයට හැකියාව තිබෙන බව සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා බණ්ඩාරගමදී ඊයේ (05) පැවසීය.
අසාධාරණ ලෙස වැඩ වර්ජනයක් කිරීමේ වුවමනාව මත පමණක් වැඩ වර්ජනය කරන්නේ නම් එතැන ගැටලුවක් පවතින බව ද ඇමැතිවරයා කීවේය.
මාත්යවරයා එසේ පැවසුවේ බණ්ඩාරගම ප්රාදේශීය සභාව මඟින් වෑවිට වැව්තාවුල්ලේ ඉදිකරන ලද ‘බණ්ඩාරගම ළමා උද්යානය’ විවෘත කිරීමේ උත්සවයට සහභාගි වීමෙන් අනතුරුව මාධ්ය අමතමිනි.
රජයේ වෛද්ය නිලධාරීන්ගේ සංගමයේ ගැටලුවලට විසඳුම් ලබා දී ඇති බවත් ඉදිරියේදී විසඳුම් ලබා දෙනු ඇති බවට ඔවුන් දන්නා බවත් හෙතෙම මෙහිදී කීවේය.
මේ වනවිට වැඩ වර්ජනයක් ක්රියාත්මක කර ඇති පශ්චාත් සීමාවාසික වෛද්යවරුන්ට පත්වීම් ලබාදීම සම්බන්ධයෙන් වන ගැටලුව නිරාකරණය කර ඇති බවත් පත්වීම් සඳහා වෛද්යවරු 453 දෙනකුගෙන් 435 දෙනකු අයදුම් කර තිබෙන බවත් ඇමැතිවරයා පැවසුවේය. ඒ අනුව පශ්වාත් සීමාවාසික අවධියේ සිටි වෛද්යවරුන් 435ක් සඳහා පළමු පත්වීම සිංහල දෙමළ අවුරුද්දට පෙර ලබාදීමට සියලු කටයුතු සූදානම් කර ඇතැයි ද හෙතෙම කියා සිටියේය.
දැන් වන විට මේ අයගේ ලැයිස්තු සකස් කරමින් සිටින බවත් එම ලැයිස්තුව අමාත්යාංශය මඟින් කඩිනමින් ප්රකාශයට පත් කරන බවත් කීවේය.