සංවිධානාත්මක අපරාධ කල්ලි නායක “ගනේමුල්ල සංජීව” නොහොත් සංජීව කුමාර සමරරත්නගේ ඝාතනයේ ප්රධාන සැකකරුවකු වන ඉෂාරා සේව්වන්දිට සහාය වූ බවට චෝදනා ලැබ ඇති පුද්ගලයින් දෙදෙනෙකු කොළඹ අපරාධ කොට්ඨාසය (CCD) විසින් අත්අඩංගුවට ගෙන ඇති බව පොලිස් මාධ්ය අංශය සඳහන් කරනවා.
වැල්ලිපැන්න ප්රදේශයේ පදිංචි 52 හැවිරිදි කාන්තාවක් සහ ඇගේ 31 හැවිරිදි මස්සිනා වන සැකකරුවන් දෙදෙනා පිළිවෙළින් ඔක්තෝබර් 16 සහ 17 වන දින අත්අඩංගුවට ගෙන ඇත. පොලිසිය ප්රකාශ කරන්නේ 2025 පෙබරවාරි 19 වන දින අලුත්කඩේ අධිකරණ සංකීර්ණයේ සිදු වූ වෙඩි තැබීමෙන් පසු සේව්වන්දි අත්අඩංගුවට ගැනීමෙන් වැළකී සිටීමට මෙම පුද්ගලයින් දෙදෙනා උපකාර කර ඇති බවයි.
කොළඹ අපරාධ කොට්ඨාසය විසින් සැකකරුවන් දෙදෙනා රැඳවුම් නියෝගයක් මත රඳවාගෙන ඉෂාරා සෙව්වන්දි සඟවාගෙන සිටීම පිළිබඳව ප්රශ්න කිරීම ආරම්භ කර තිබේ.
මේ දක්වා පොලිස් විමර්ශනවලින් අනාවරණය වී ඇති කරුණු:
- සේව්වන්දි J.K. බායි නමින් හැඳින්වෙන යාපනයේ පදිංචිකරුවකුගේ උදව්වෙන් මිද්දෙනියෙන් පලා ගොස් ඇත.
- ඇය බෝට්ටුවකින් ඉන්දියාවට පැනගොස් දින තුනක් එහි රැඳී සිට ඇත.
- පසුව දුම්රියෙන් නේපාලයට ගිය ඇය කත්මන්ඩු අසල භක්තපූර් දිස්ත්රික්කයේ සුඛෝපභෝගී නිවසක ව්යාජ අනන්යතාවයක් යටතේ සැඟව සිටියාය.
- ව්යාජ ගමන් බලපත්රයක් භාවිතයෙන් යුරෝපයට පලා යාමට සැලසුම් කර සිටි බවයි වාර්තා වන්නේ.