දැනට එක්සත් ජනපදයේ පදිංචිව සිටින බැසිල් රාජපක්ෂ, නීති විරෝධී ලෙස ලබාගත් අරමුදල්වලින් රුපියල් මිලියන 50ක් භාවිත කරමින් නීති විරෝධී ලෙස ඉඩම් අත්පත් කර ගත් බවට එල්ල වන චෝදනා සම්බන්ධයෙන් නොවැම්බර් 21 වැනි සිකුරාදා මාතර මහේස්ත්රාත් අධිකරණය හමුවේ පෙනී සිටීමට නියමිතය. පුටුවකින් වැටීමෙන් පසු කොඳු ඇට පෙළේ සහ ස්නායු ආබාධ සඳහා රාජපක්ෂ එක්සත් ජනපදයේ ප්රතිකාර ලබමින් සිටින බව ඔහුගේ නීති කණ්ඩායම මැයි මාසයේදී අධිකරණයට දැනුම් දුන්නේය.
ඔහුගේ අමෙරිකානු වෛද්යවරයා මාස හයක් ගුවන් ගමන්වලින් වැළකී සිටීමට උපදෙස් දී ඇති බව නීතිඥයන් පැවසීම නිසා සිකුරාදා නඩු කටයුතු සඳහා ඔහුගේ පැමිණීම තවදුරටත් සැක සහිතය.
බැසිල් රාජපක්ෂ අතීතයේ දී අධිකරණයට අවශ්යව සිටියදී එක්සත් ජනපදයට යෑමෙන් අධිකරණය මග හැරීම නිසා චෝදනාවලට මුහුණ දී තිබේ.මෙවර ඔහු නොපැමිණෙන්නේ නම්, අධිකරණයේ උපදෙස් මත අත්අඩංගුවට ගැනීමේ වරෙන්තුවක් නිකුත් කිරීමට කටයුතු කරන බව පොලිස් ආරංචි මාර්ග කියයි.
නීතියට මුහුණ දීම සඳහා පැමිණෙන ලෙස ජනාධිපති අනුර කුමාර දිසානායක ශ්රී ලංකා පොදුජන පෙරමුණේ නිර්මාතෘ සහ හිටපු මුදල් අමාත්යවරයකු වන බැසිල් රාජපක්ෂගෙන් ඊයේ (18) ඉල්ලා සිටියේය.