ශ්රී ලංකා විදේශ සේවා නියුක්ති කාර්යාංශයේ නිලධාරීන් වෙනුවෙන් බාහිරව පදනම් වූ පුහුණු වැඩසටහනක් සැපයීම සඳහා ආයතනයක් තෝරාගැනීම සඳහා 2024 ජනවාරි මාසයේදී පවත්වන ලද ප්රසම්පාදන ක්රියාවලියේදී අක්රමිකතා සිදුකළ බවට ශ්රී ලංකා විදේශ සේවා නියුක්ති කාර්යාංශයේ හිටපු සභාපති ඒ.එම්.එම්. හිල්මි දෙසැම්බර් 9 වැනි දින දක්වා රක්ෂිත බන්ධනාගාරගත කිරීමට කොළඹ ප්රධාන මහේස්ත්රාත් අසංග එස්. බෝදරගම අද නියෝග කළේය.
චෝදනාවලට අනුව, ඔහු නීතිවිරෝධී ලෙස ටෙන්ඩරය JSF හෝල්ඩින් නම් සමාගම වෙත ප්රදානය කිරීමට ක්රියාකර ඇති අතර, එමඟින් ආයතනයට රාජ්ය අරමුදල් රුපියල් මිලියන 5.3 ක් ලැබී ඇත.
නඩුවේ පළමු සැකකරු වන ජී.එච්.ඩී. ෂාන් යහත්පත් විසින් මෙම මුදලින් රුපියල් මිලියන 4.3 ක් නීතිවිරෝධී ලෙස ලබාගැනීමට කටයුතු කළ බවට තවදුරටත් චෝදනා එල්ල වේ.
රාජ්ය අරමුදල් අවභාවිතයට පහසුකම් සැලසීම සඳහා පොදු දේපළ පනත යටතේ වරදක් සිදුකිරීමට කුමන්ත්රණය කිරීම සහ ආධාර හා අනුබල දීම යන චෝදනා සැකකරුවන් දෙදෙනාටම එල්ල වී තිබේ.
මේ අතර පසුගිය වකවානුවේදී විදේශ රැකියා අමාත්යාංශයේ විවිධ වැඩසටහන්වලට අදාල ප්රචාරණ කටයුතු ලබාදිමේදී සිදුකළ බව කියන මහාපරිමාණ අක්රමිකතා රැසක් පිළිබඳවද මේ දිනවල විමර්ශන සිදුවෙමින් පවතින බව පැවසේ.ව්යාජ නම්වලින් පෙනී සිටිමින් දැන්වීම් සහ ප්රචාරණ කටයුතු ලබාගෙන ඇති බව වාර්තා වන අතර, ඒවා තුල මහාපරිමාණ වංචා සිදුව ඇතැයිද පැවසේ.