සමගි ජන බලවේගය සහ එක්සත් ජාතික පක්ෂය එක්ව ගොඩනඟන සන්ධානයේ නායකත්වය සජිත් ප්රේමදාස මහතාට හිමි විය යුතු බව සමගි වනිතා බලවේගයේ ලේකම් පාර්ලිමේන්තු මන්ත්රිනි චමින්ද්රානි කිරිඇල්ල මහත්මිය පැවසුවාය.
ඇය මේ බව පැවසුවේ මල්වතු මහනායක ස්වාමින්ද්රයන් වහන්සේ බැහැදැක ආශීර්වාද ගැනීමෙන් පසු මාධ්ය හමුවේ අදහස් දක්වමිනි.
එහිදී වැඩිදුරටත් අදහස් දැක්වූ ඇය මෙලෙස ද කීවාය.
“පක්ෂ දෙකේ එකතුව සඳහා වන මූලික සාකච්ඡා මේ වන විට සාර්ථකව සිදු වෙමින් පවතිනවා. හිටපු ජනපති රනිල් වික්රමසිංහ මහතා බොහෝ දුරට එහි උපදේශක ලෙස කටයුතු කරයි. මේ වන විට පක්ෂ දෙක බිම් මට්ටමින් එකතු වෙමින් තිබෙනවා. හරි වෙලාවට ඉහළ නායකත්වය එකතුවීම සිදු වෙයි. පසුගියදා විපක්ෂ නායකවරයාගේ උපන් දින උත්සවයට එජාපයේ හිටපු මැති ඇමැතිවරුන් සහභාගි වුණා. එය හොඳ ආරම්භයක්. විපක්ෂ නායක ලෙස කටයුතු කරන සජිත් ප්රේමදාස මහතාට මේ ගොඩනැඟෙන සන්ධානයේ නායකත්වය හිමි විය යුතුයි කියන එක තමයි අපේ ස්ථාවරය. සක්රිය දේශපාලනයේ නිරත වෙන්න බලාපොරොත්තුවක් නැති බව හිටපු ජනාධිපති රනිල් වික්රමසිංහ මහතා ප්රකාශ කර තිබුණා. රට මේ අවස්ථාවේ ඉල්ලා සිටින්නෙත් තරුණ නායකත්වයක්. ඉදිරියේදී පළාත් සභා මැතිවරණය පැවැත්වුවොත් මේ පක්ෂ දෙක එකතු වෙලා තරග කරයි.