නාමල් රාජපක්ෂ මහතා පසුගිය දා අධ්යාපන ආයතනයක පැවැත් වූ ඉන්දීය ජනරජ දිනයට සහභාගී වීමෙන් පසු එම උත්සවය සංවිධානය කළ අචුත සමන්ත මහතා (Achyuta Samanta) පිලිබඳ ආන්දෝලනාත්මක තොරතුරු රැසක් සමාජ මාධ්ය තුළ සංසරණය වෙමින් තිබේ.
ඒ අනුව ඔරිස්සා ප්රාන්තයේ භාරතීය ජනතා පක්ෂ (BJP) මන්ත්රී බාබු සිං (Babu Singh) ඇතුළු පාර්ශව කිහිපයක් විසින් KIIT සහ KISS අධ්යාපන ජාලයේ නිර්මාතෘ අචුත සමන්ත මහතාට එරෙහිව දැඩි විවේචන සහ චෝදනා රැසක් එල්ල කර තිබේ. මෙම චෝදනා ප්රධාන වශයෙන් මූල්ය අවභාවිතය, ඉඩම් කොල්ලය සහ ආයතනික දූෂණය වටා ගෙතී ඇත.
විශේෂයෙන්ම 1991 වසරේදී රුපියල් 800ක පමණ සුළු වැටුපක් ලැබූ ගුරුවරයෙකු ලෙස කටයුතු කළ සමන්ත මහතාගේ වත්කම්, වර්තමානය වන විට ඉන්දීය රුපියල් කෝටි 15,000 දක්වා ඉහළ ගොස් ඇති බවට චෝදනා කෙරේ. මෙම ධනය උපයාගත් ආකාරය විනිවිදභාවයකින් තොර සහ සැක සහිත බව බාබු සිං මන්ත්රීවරයා ප්රකාශ කරයි.
අවශ්ය නිසි අවසර පත්ර ලබා නොගෙන ඔරිස්සාවේ ගෝත්රික ජනතාව සතු පාරම්පරික ඉඩම් KIIT සහ KISS ආයතන ව්යාප්ත කිරීම සඳහා බලහත්කාරයෙන් අත්පත් කරගෙන ඇති බවට ඔහුට චෝදනා පවතින අතර මහා පරිමාණ ගොඩනැගිලි සංකීර්ණ ඉදිකිරිම සම්බන්ධයෙන් ඉන්දීය වැසියෝ අචුත සමන්ත මහතාට චෝදනා එල්ල කරයි.
පුණ්ය කටයුතු පිටුපස ඇති සැබෑ ස්වරූපය
ගෝත්රික දරුවන්ට නොමිලේ අධ්යාපනය ලබාදෙන බව පවසමින් (KISS ආයතනය හරහා) ඔහු සිදුකරන සමාජ සේවය, ඔහුගේ සැබෑ දූෂණ සහ ඉඩම් ආක්රමණ වසා ගැනීමට යොදාගන්නා “පලිහක්” (Shield) බවටයි මේ වන විට චෝදනා එල්ලවන්නේ.
මූල්ය වංචා
කොවිඩ් වසංගතය පැතිරී ගිය සමයේදී ඔහුට අයත් KIMS රෝහල හරහා රජයේ අරමුදල් රුපියල් කෝටි 100කට අධික ප්රමාණයක් වංචා කළ බවත් ඉන්දියාවේ වෙනත් කිසිදු පෞද්ගලික ආයතනයකට නොලැබෙන තරම් මහා පරිමාණයේ විදේශ සහ දේශීය ආධාර මෙම ආයතනවලට ලැබෙන අතර, ඒවායේ මූලාශ්ර ප්රශ්නසහගත බවත් විමර්ශකයෝ අවධාරණය කරයි.
පසුගිය වසරේදී KIIT විශ්වවිද්යාලය තුළදී නේපාල ජාතික සිසුවෙකු අභිරහස් ලෙස මරණයට පත්වීමත් සමඟ විශාල ආන්දෝලනයක් ඇති විය. එහිදී අනෙකුත් නේපාල සිසුන්ට එල්ල වූ හිරිහැර සහ ඔවුන්ව බලහත්කාරයෙන් ඉවත් කිරීම හේතුවෙන් ඉන්දියාව සහ නේපාලය අතර රාජ්ය තාන්ත්රික සබඳතාවලට පවා බලපෑම් එල්ල විය.
මෙම චෝදනා සම්බන්ධයෙන් ස්වාධීන පරීක්ෂණයක් පවත්වන ලෙස බාබු සිං මන්ත්රීවරයා සහ විපක්ෂ ක්රියාකාරීන් ඉන්දීය මධ්යම රජයෙන් සහ විමර්ශන අංශවලින් දිගින් දිගටම ඉල්ලා සිටින අතර “සමාජ සේවකයෙකු” සහ “සාන්තුවරයෙකු” ලෙස පෙනී සිටිමින් සිදුකරන මෙම මහා පරිමාණ වංචා රටේ නීතියට හසු විය යුතු බව ඔවුන්ගේ මතයයි.
අචුත සමන්ත මහතා සහ ඔහුගේ ආයතනවලට එරෙහිව එල්ල වී ඇති චෝදනා සම්බන්ධයෙන් ඉන්දීය මාධ්ය සහ නිල වාර්තාවල පළ වූ පුවත් කිහිපයක සබැඳි පහත දැක්වේ.
01.ඉඩම් ආක්රමණය සහ නීති විරෝධී ඉදිකිරීම්
Odisha TV (OTV): Demolition drive near KIIT premises over illegal encroachment
02.නේපාල සිසුවාගේ මරණය සහ ආන්දෝලනය
The Kathmandu Post: Nepalese students at KIIT University seek safety after fellow student’s death
The Print: Odisha: Nepali student’s death at KIIT triggers protest, students allege foul play
03.කොවිඩ් අරමුදල් වංචාව
The New Indian Express: Audit of COVID bills in Odisha: KIMS under scanner
LatestLY: Odisha BJP accuses Achyuta Samanta’s KIMS of Rs 100 Crore COVID scam
04.ආදායම් බදු වැටලීම් (Income Tax Raids)
The Economic Times: IT department raids KIIT and KISS founder Achyuta Samanta’s residence and offices
Business Standard: Income Tax officials search premises of KIIT founder Achyuta Samanta
05.මූල්ය අක්රමිකතා පිළිබඳ ස්වාධීන විමර්ශන ලිපි
The Wire: The many controversies surrounding the KIIT/KISS empire