1989 සිට ඉරානයේ උත්තරීතර නායකයා ලෙස කටයුතු කර ඇති අතර, පිටුවහල් කිරීමෙන් ආපසු පැමිණ ඇමරිකානු සගයා සහ ෂා මොහොමඩ් රේසා පහ්ලවි පෙරලා දැමූ 1979 ඉරාන විප්ලවය මෙහෙයවූ ඉස්ලාමීය ජනරජයේ අභාවප්රාප්ත නිර්මාතෘ අයතුල්ලා රුහොල්ලා කොමේනිගෙන් පසු ඔහු එම ධුරයට පත්විය. ඔහු රජයේ සියලුම ශාඛා, හමුදාව සහ අධිකරණය කෙරෙහි අවසාන අධිකාරිය දරන අතරම රටේ අධ්යාත්මික නායකයා ලෙසද කටයුතු කරනු ලැබීය.ඔහු බලයේ නොමැති ජීවිතයක් තරුණ ඉරාන ජාතිකයන් කිසි දා දැන සිටියේ නැත.
රාජ්ය නායකයා සහ ඉරාන විප්ලවවාදී ආරක්ෂක බලකාය (IRGC) ඇතුළු හමුදාවේ සේනා විධායකයා ලෙස, ඔහුගේ තනතුර ඔහුව බලවත් තැනැත්තෙකු බවට පත් කොට තිබිණි.රාන දේශපාලනයේ ප්රමුඛ චරිතය වන්නේ ජනාධිපතිවරයා නොව උත්තරීතර නායක අයතුල්ලා අලි කමේනි ය. ඉරාන ආණ්ඩුක්රම ව්යවස්ථාව මඟින් උත්තරීතර නායකයාට සියලුම ප්රධාන රාජ්ය ආයතන කෙරෙහි දැවැන්ත අධිකාරියක් ලබා දී ඇති අතර, 1989 සිට එම තනතුර හෙබවූ කමේනි, ඔහුගේ බලපෑම තවදුරටත් වැඩි කර ගැනීමට තවත් බොහෝ ක්රම සොයාගත්තේය.
ශක්තිමත් කථිකයෙකු වූ කමේනි, පසුව ඉස්ලාමීය විප්ලවයෙන් බලයෙන් පහ කරන ලද ෂා රජුට විරුද්ධ වූ අය සමඟ එක් විය.
වධහිංසා ලක්වෙමින් හා අභ්යන්තර පිටුවහල් කිරීම් අත්විඳිමින් වසර ගණනාවක් ඔහු රහසිගතව හෝ සිරගෙවල්වල ජීවත් විය. ෂාගේ රහස් පොලිසිය විසින් ඔහු හය වතාවක් අත්අඩංගුවට ගන්නා ලදී.
1979 ඉස්ලාමීය විප්ලවයෙන් වසරකට පසු, අයතුල්ලා රුහොල්ලා කොමේනි ඔහු ව ටෙහෙරානයේ සිකුරාදා යාඥා නායකයා ලෙස පත් කළේය. පසුව 1981 දී කමේනි ජනාධිපති ලෙස තේරී පත් වූ අතර, 1989 දී, කොමේනිගේ මරණයෙන් පසු, ආගමික නායකයින් කමේනිව ඔහුගේ අනුප්රාප්තිකයා ලෙස තෝරා ගන්නා ලදී.
එක්සත් ජනපදය සමඟ පවතින ගැටුම ඇතුළු බාහිර කාරණා සම්බන්ධයෙන් අයතුල්ලා කමේනි නිරන්තරයෙන් දැඩි ස්ථාවරයන් ගෙන ඇත.
ඔහු බටහිර රටවල්, විශේෂයෙන් ඇමරිකා එක්සත් ජනපදය සමඟ සබඳතා පිළිබඳව සැකයෙන් පසුවන අතර, ඊශ්රායල රාජ්යය තුරන් කරන ලෙස නැවත නැවතත් ඉල්ලා ඇති අතර සමූලඝාතනය සිදු වූවාද යන්න ප්රසිද්ධියේ ප්රශ්න කර ඇත.
දරුවන් හය දෙනෙකු සිටින කමේනිගේ පාලන සමයේදී ඉරානයේ ජනාධිපතිවරුන් හත් දෙනෙකු සේවය කර ඇත.