ජනපති හමුවන තුරු විදුලි වැඩ වැරුමට කොමාවක්.

විදුලි වෘත්තීය සමිති ආරම්භ කළ වැඩ­ව­ර්ජ­නය ඊයේ (11) පස්ව­රුවේ අත්හි­ටුවූ බව වෘත්තීය සමිති පව­සයි.

ජනා­ධි­පති අනුර කුමාර දිසා­නා­යක මහතා සමඟ තීර­ණා­ත්මක සාක­ච්ඡා­වක් අද (12) පැවැ­ත්වෙන බව ද වෘත්තීය සමිති සඳ­හන් කරයි.

පසු­ගිය දින කිහි­පය පුරා ක්‍රියා­ත්මක වූ විදුලි වෘත්තීය සමිති වැඩ­ව­ර්ජ­නය අත්හි­ටු­වී­මට එම වෘත්තීය සමිති ඊයේ (11) පස්ව­රුවේ තීර­ණය කර තිබේ. කම්කරු කොම­සා­රි­ස්ව­රයා සහ නව විදුලි සමා­ග­ම්වල සභා­ප­ති­ව­රුන් සමඟ ඊයේ (11) පස්ව­රුවේ පැවති සාක­ච්ඡා­ව­කින් අන­තු­රුව මෙම තීර­ණ­යට එළැඹි බව වෘත්තීය සමිති නියෝ­ජි­තයෝ සඳ­හන් කරති. මෙම තීර­ණා­ත්මක සාක­ච්ඡාව පැවැ­ත්වුණේ කම්කරු අමා­ත්‍යාං­ශයේ බල­ධා­රීන්ගේ ද සහ­භා­ගි­ත්ව­යෙනි.

වර්ජ­නය අත්හි­ටු­වී­මට ප්‍රධා­න­තම හේතුව වී ඇත්තේ සිය ගැටලු පිළි­බ­ඳව සාකච්ඡා කිරීම සඳහා අද (12) දිනයේ ජනා­ධි­ප­ති­ව­රයා සමඟ සාක­ච්ඡා­ව­කට අව­ස්ථාව ලබා­දෙන බවට කම්කරු කොම­සා­රි­ස්ව­රයා ලබා­දුන් පොරො­න්දු­වයි. විදුලි වෘත්තීය සමිති 24ක් එක්ව වර්ජ­නය ආරම්භ කර තිබිණි. පසු­ගිය 09 වැනිදා පස්ව­රුවේ සිට ආරම්භ වූ මෙම වෘත්තීය ක්‍රියා­මා­ර්ගය හේතු­වෙන් දිව­යිනේ ප්‍රදේශ රැසක විදුලි බිඳ­වැ­ටීම් වාර්තා විය. විදුලි පද්ධ­තියේ සේවා නඩත්තු කට­යුතු සඳහා ද දැඩි බාධා එල්ල විය.