ජාතික නිවාස සංවර්ධන අධිකාරිය යටතේ 2015- 2019 කාලසීමාව තුළ නිවාස 64,407ක් ඉදිකිරීමට සැලසුම් කර තිබුණද, ඉදිකර ඇත්තේ නිවාස 10,532ක් පමණක් බව කැබිනට් ප්රකාශක, ඇමැති, වෛද්ය නලින්ද ජයතිස්ස මහතා පැවසීය. රජයේ ප්රවෘත්ති දෙපාර්තමේන්තුවේ ඊයේ (22) පැවැති කැබිනට් තීරණ දැනුම්දීමේ මාධ්ය හමුවේදී ඇමැතිවරයා මේ බව කියා සිටියේය.
එකී ව්යාපෘතිවල ප්රගතිය අවම වීම කෙරෙහි විවිධ හේතු බලපා ඇති බව නිරීක්ෂණය වී ඇති බැවින්, එම ව්යාපෘතිවල වත්මන් තත්ත්වය විශ්ලේෂණය කර සත්ය වශයෙන්ම නිවාස අවශ්යතාව පවතින අඩු ආදායම්ලාභී පවුල් හඳුනා ගැනීමටත්, අතරමඟ නතර වූ ව්යාපෘති කඩිනමින් අවසන් කර ජනතාව පදිංචි කරවීමටත්, ලබා දුන් ණය මුදල් අයකර ගැනීමේ විධිමත් ක්රමවේදයක් සකස් කිරීමටත් අදාළව කරුණු අධ්යයනය කර නිර්දේශ ඉදිරිපත් කිරීම සඳහා විශේෂඥ කමිටුවක් පත් කිරීමට නිවාස, ඉදිකිරීම් සහ ජලසම්පාදන ඇමැති වෛද්ය සුසිල් රණසිංහ මහතා ඉදිරිපත් කළ යෝජනාවට ඇමැති මණ්ඩලයේ අනුමැතිය හිමිවූ බව ඇමැතිවරයා කීවේය.
dinamina